吞嚥困難者的吞嚥能力減弱,容易“濁親”或哽到,因此應避免有以下特質的食物以減低誤嚥的機會,長遠降低吸入性肺炎的風險。
– 黏稠的食物 例如花生醬、糯米製食品(e.g.年糕)
– 太滑溜的食物 例如啫喱、蒟蒻、腸粉
– 有細骨的食物 例如魚🐟
– 乾脆的食物 例如餅乾、烘麵包、薯片
– 麵包類製品🍞🥯🥖
– 多汁的食物 例如橙🍊、西瓜🍉
– 帶皮或衣的食物 例如豆類、糙米飯、提子🍇、有衣的花生🥜
– 小粒狀的食物 例如果仁、豆、粟米粒、芝麻
– 混合質地的食物 例如糖水、稀粥🥣、湯飯、湯麵、含水果粒的乳酪、有湯料的湯
– 含粗纖維的食物 例如菠蘿🍍、芹菜
– 堅硬的食物 例如糖果🍬,果仁、肉乾
– 容易在口中變液體的食物 例如雪糕🍦、朱古力🍫
Q: 點解有咁多野唔食得?
A: 呢啲都係比較難咀嚼或吞嚥嘅食物,或者較容易誤嚥。吸入性肺炎唔一定因為一次誤嚥引致,亦可能累積了多次隱性誤吸(silent aspiration),引起肺部長期發炎所致,所以應避免高風險食物為妙。
Q: 點解唔食得有混合質地/多汁嘅野食?
A: 因為唔同質地嘅食物吞嚥期間滑落嘅速度不一,吞嚥困難患者較難協調,容易嗆到。
Q: 點解唔食得太滑溜的食物?
A: 太滑溜的食物有機會因為太滑而滑落得太快,吞嚥困難者咽喉未能協調而造成誤嚥。而啫喱(尤其是含蒟蒻成分),過去有多宗兒童及長者因誤嚥導致窒息致死的個案,因此多國包括日本食品安全委員會及美國FDA已經就此類食物發出警告甚至禁售指令。

其他文章
【吞嚥易教室】 第十篇 「嚥」字的讀音
黎到第十集,今集轉下話題,講「嚥」字嘅粵語讀音😆 我地叫吞嚥易,成日同人講我地品牌名嘅時候(尤其...
閱讀全文【吞嚥易教室】第九篇 吞嚥困難與脫水
飲水嘅重要性大家都知道,但你知唔知道要特別關心吞嚥困難患者及長者嘅飲水量? 脫水係指身體嘅攝水量入不...
閱讀全文【吞嚥易教室】 第七篇 凝固粉的使用秘訣
點樣開凝固粉先至一試成功,唔結塊? 又點樣“打大佬”,用凝固粉黎增稠奶類? 按照以下指示就可以百戰百...
閱讀全文