【吞嚥易教室】第九篇 吞嚥困難與脫水

飲水嘅重要性大家都知道,但你知唔知道要特別關心吞嚥困難患者及長者嘅飲水量?

脫水係指身體嘅攝水量入不敷支。吞嚥困難患者有較高嘅脫水風險係因為佢地可能為左避免濁到而迴避飲水,又或者照顧者沒有為患者準備足夠嘅增稠飲品而攝水量不足。

另外,脫水係長者特別普遍。除咗因為飲唔夠水,亦都同佢哋嘅身體機能有關。年老伴隨着口渴感減弱、體內水分庫存降低,同埋腎功能下降,無法按身體水分供應調節尿量,都係令長者特別容易出現脱水嘅原因。此外,某些病患,例如有失禁(擔憂尿滲)、行動不變(避免麻煩)同埋認知障礙(遺忘了要飲水)會有特別高嘅脫水風險。而患有糖尿病、服用某些藥物(如瀉藥、利尿藥)、腹瀉、嘔吐🤮或發燒者🤒就要更加注意補充充足水分。

脫水嘅徵狀包括感到口渴、口乾👅、嘴唇乾👄、眼乾👁、尿液顏色深黃及氣味濃烈、每天排尿少於四次、便祕💩、感到疲倦及頭暈🥴。要避免脫水就唔好等到有呢d徵兆先黎飲水喇!

給吞嚥困難患者或照顧者嘅飲夠水小貼士:

  • 目標每日飲最少八杯水 (實際需要按個人情況而定,例如有腎病、心臟病等,需下調進水量,建議諮詢家庭醫生的意見)
  • 適當地增稠飲品至所需稠度
  • 小口小口地慢慢喝
  • 提供方便水源,放置水係隨手可及嘅位置(但注意澱粉配方凝固粉會隨時間出現離水情況,吞嚥易清透凝固粉屬黃原膠配方,效果穩定,不會出現離水情況)
  • 設立每小時飲水目標🕙,並記錄攝水量📋🖊
  • 用有刻度嘅杯或水壺檢察飲水量
  • 採用多種方法攝取水份,包括冷熱飲品、含高水分食物(例如湯或粥)☕️🍵🍲🥛

 

以上貼士其實適用於所有人🤓

#見字飲水

吞嚥困難 脫水 攝取充足水分

其他文章