Q: 有吞嚥困難點解要用凝固粉?
A: 患有吞嚥困難的人士吞嚥正常液體時容易「濁親」,係因為正常飲料(包括清水、茶等)十分稀薄,吞嚥過程中若肌肉協調不妥,會因滑落得太快而在會厭緊閉氣管前落入氣管而嗆到。利用凝固粉增稠飲品,可使吞嚥時液體滑落的速度較慢,同時亦令同一「啖」水黐得實D,無咁易因流得太快或分開而落入氣管。
Q: 用凝固粉有咩好處?
A: 兩大好處:1️⃣增加飲水量,確保水分攝取充足,避免脫水的狀況;2️⃣避免嗆咳的機會,長期減低吸入性肺炎及慢性肺病的風險。
Q: 凝固粉有咩種類?
A: 市面上的凝固粉用兩種不同主要成分組成:改性澱粉及黃原膠。它們的效果、特性都好唔同,要識得揀。
👉外觀 | 改性澱粉令飲料呈渾濁白色,影響賣相;黃原膠製的凝固粉完全透明,不會影響飲品原有顏色
👉味道 | 改性澱粉凝固粉會有陣澱粉味;黃原膠則不會影響飲品的味道
👉口感 | 改性澱粉的增稠效果較黏;黃原膠則較滑,較像啫喱
👉安全性 | 由於改性澱粉效果較黏,較大機會在吞嚥後殘餘在喉嚨,造成嗆咳風險;而黃原膠的效果令同一啖增稠左嘅飲品黐得實D,不會造成殘餘物
👉穩定性 | 改性澱粉會隨時間稠度改變,或出現沈澱、離水的狀況,亦會被口水分解而變稀,這樣會構成危險,因為長者會誤飲到以為增稠左但變稀薄了的飲品;黃原膠製的凝固粉則不會出現此狀況,增稠後效果穩定,亦不會出現離水狀況或被口水分解

參考資料:
– 點止說 – 點樣揀凝固粉?https://www.instagram.com/p/CFtVGEmA_Ap/?igshid=ztewuqnotcrt
– Cichero (2019) The Critical Role of Thickeners in the Therapeutic Medical Management of People with Dysphagia https://www.raps.org/news-and-articles/news-articles/2019/6/the-critical-role-of-thickeners-in-the-therapeutic
其他文章
【吞嚥易教室】 第十篇 「嚥」字的讀音
黎到第十集,今集轉下話題,講「嚥」字嘅粵語讀音😆 我地叫吞嚥易,成日同人講我地品牌名嘅時候(尤其...
閱讀全文【吞嚥易教室】第九篇 吞嚥困難與脫水
飲水嘅重要性大家都知道,但你知唔知道要特別關心吞嚥困難患者及長者嘅飲水量? 脫水係指身體嘅攝水量入不...
閱讀全文【吞嚥易教室】 第八篇 吞嚥困難人士應避免的食物
吞嚥困難者的吞嚥能力減弱,容易“濁親”或哽到,因此應避免有以下特質的食物以減低誤嚥的機會,長遠降低吸...
閱讀全文