【吞嚥易教室】第十篇「嚥」字的讀音

黎到第十集，今集轉下話題，講「嚥」字嘅粵語讀音😆

我地叫吞嚥易，成日同人講我地品牌名嘅時候(尤其係電話)，講吞嚥(jin3,即「燕」)易，對方有時會get唔到，答「喔，係咪吞嚥(jin1,即「煙」)易啊？」亦留意到許多人似乎將吞嚥個「嚥」字讀作jin1(煙)，於是小編就唸著check清楚「吞嚥」究竟應該點樣讀。

根據中文大學漢語多功能字庫[1]及粵語資料集叢[2]，「嚥」用作「吞嚥」時，讀音是jin3，與「燕」或「宴」同音。而「嚥」與「咽」為同義詞，故「吞嚥」亦可寫作「吞咽」。但如果「咽」字用於「咽喉」、「鼻咽」時，咁就讀作jin1(煙)喇[3]。所以我地品牌讀作吞嚥(yin3, 「燕」)易係正確嘅。🤓

咁當然，發音呢家嘢唔一定有對與錯嘅，因為語言係一個不斷演變嘅活體，一個字嘅發音都係視乎大部分人點讀嘅趨勢嘅姐~~ 今集內容可能d爭議性，大家有咩睇法歡迎留言分享!🤗

參考資料

其他文章